Ég er fluttur á:

http://theicetroll.blog.is

njótið vel! 

Hæ, vildi bara segja ykkur að ég væri enn á lífi...

 

Ég bjó til skemmtilega netþraut, endilega takið þátt og sjáið hvað þið getið
http://www.hi.is/~gunnast/

kv. Gunni

Jú jú, maður á víst afmæli í dag. Það gerist c.a. einu sinni á ári að jafnaði!

Annars fórum við fjölskyldan í sumarbústað um helgina. Kíktum í Skálholt og láum þar í leti, það var bara dásamlegt. Tókum með okkur jólaseríur og settum upp í gluggana og svo var bara slappað af. Fórum oft í heita pottinn, það er ekkert smá næs að liggja í heita pottinum í 15 stiga frosti og stara upp í stjörnubjartan himininn (við þurftum reyndar að vera með húfur, því það var svo kalt). Svo voru norðurljósin brjálæðislega flott líka.

Kíktum í B&L á föstudaginn og keyptum bíl, skiptum frúarbílnum út fyrir annan betri

āĖēϲĀ晦〰㘶

Jæja, þá er maður orðinn heimsfrægur á Íslandi... eða þannig

kv. Gunni

Sælt veri fólkið, ég fór austur á Eiðar á föstudaginn til þess að kenna þar á fermingarbarnamóti. Þegar austur var komið kom í ljós að ekkert vatn var að fá á kirkjumiðstöðinni við Eiðavatn vegna þess að nokkrum dögum áður hafði verið 17 stiga frost og allt vatn frosið í leiðslunum. Þar af leiðandi urðum við að fara með hópinn eitthvað annað. Endaði þetta með því að við fórum með allt liðið á Alþýðuskólann á Eiðum, byggingar sem ekkert eru notaðar nema rétt yfir sumarmánuðina þegar hótel Edda er með rekstur á svæðinu, annars stendur þetta bara tómt! 

Jæja, kom heim á lau og tók því rólega. Sunnudagaskóli í gær og hefðbundin sunnudagsafslöppun. Er heima í dag því litla prinsessan er með svo mikið kvef og ljótann hósta að við ákváðum að hafa hana heima.

Hilsen...

Ég er að deyja ég hlakka svo mikið til jólanna. Þetta er náttúrulega ekki eðlilegt, það er bara ennþá nóvember en ég er meira að segja farinn að kíkja á smákökuuppskriftirnar til þess að ákveða hvaða sortir ég ætla að baka (ég er náttúrulega bara kelling)!
Er meira að segja búinn að downloada jólalögum í símann minn til þess að nota fyrir hringitóna, ég verð sjálfsagt búinn að fá hundleið á jólunum loksins þegar þau koma...

heil
Gunni

Líklegast verður maður að halda áfram að skrifa hér, því ég var ekki fyrr búinn að setja inn nýja færslu í gær að það var komið comment! (Takk fyrir það Ingunn mín )
Annars er maður bara núna staddur í vinnunni að vinna aldrei þessu vant. Á morgun á gamli vinnustaðurinn minn (Leikskólinn Maríuborg) afmæli þannig að maður verður að kíkja í heimsókn þangað með gítarinn, það verður nú gaman að hitta krakkana og svoleiðis.
Ég er farinn að hlakka geðveikt til jólanna, get hreinlega ekki beðið eftir að þau komi... (er meira að segja farinn að syngja jólalög í laumi)

Adios

Þetta er nú alveg spruning um að leggja þessari síðu fyrst maður er svona hrikalega latur við að blogga! En eins og áður hefur komið fram þá er ég meira í því að taka myndir og setja inn á vefinn á flickr vefsvæðinu sem er alveg magnað svæði!

love u

Þá er maður kominn á Laugarvatn eina ferðina enn. Ég verð hér til 10.júlí að starfa í sumarbúðum ÍF (íþróttasamband fatlaðra). Hér er gaman að vera og heilmikið fjör. Ekki er nú veðrið alltaf að leika við okkur en það gerir svo sem ekki mikið til.
 
Við fjölskyldan fórum í eina stutta útilegu í Reykholt í Bláskógarbyggð um daginn og var það ljómandi fínt. Börnin nutu sín vel og var Steingrímur Ingi farinn að spyrja áður en við komum heim hvenær við förum í næstu útilegu. Vonandi verður ekki mjög langt í það.

Hilsen
Gunni

Það er eins og maður hafi gufað upp!  Allavega hef ég ekki verið duglegur við að blogga upp á síðkastið, hinsvegar hef ég verið nokkuð duglegur við að taka myndir og birta þær á myndsíðunni minni hjá Flickr. Annars er það að frétta að við fjölskyldan fórum til Mallorca í maí með Hauki, Ósk og sonum ásamt föður mínum og var það stórkostlega gaman
Ég er búinn að fá nýja vinnu og mun ég hefja störf sem æskulýðsfulltrúi Grafarvogskirkju þann 1.ágúst næstkomandi.
Annars er ég bara í stuði, hvað með ykkur?

Gunni

Hef verið mjög latur við að blogga upp á síðkastið en í staðin hef ég verið þeim mun duglegri að taka myndir og setja inn á síðuna mína (www.flickr.com/photos/theicetroll)
Beðist er vélmyrðingar á þessu

Gunni

Ég var að spila á tónleikum núna í kvöld í Hvítasunnukirkjunni Fíladelfíu hér í borg. Þetta voru stórskemmtilegir tónleikar og var mikið rokk og ról. Það var nærri fullt hús og var alveg þrælmagnað að fá að spila á tónleikum þar sem var topp söngvarar, topp band og topp sánd. Algjör toppur

Gunni

p.s. minni enn og aftur á myndasíðuna mína:
http://www.flickr.com/photos/theicetroll

Var að kaupa mér nýja myndavél
Gripurinn er Canon 350D með 18-55mm linsu, Battery Grip.

Það sem er skemmtilegast við þetta er að ég get notað gömlu linsurnar mínar af EOS 500 vélinni minni og flassið þannig að nú fer maður að skella myndum inn á flickr á fullu Myndasíðan er : http://www.flickr.com/photos/theicetroll
góðar stundir

Af hverju er það alltaf þannig að þegar maður er að taka bensín þá reynir maður að hitta á heilt eða hálft þúsund? T.d. 3000 kr.  Ég var að taka bensín í dag og gleymdi mér aðeins, ætlaði að taka fyrir 5000 kr en fór óvart í 5123 kr eða þar um bil. Þá var auðvitað ekkert annað í stöðunni en að fara í 5500 kr því ekki fer maður að borga 5123, það er eitthvað svo óþægileg tala!!! Reyndar hef ég stundum verið að leika mér að taka bensín fyrir tölur sem hljóma vel, t.d. 5555 kr  eða 5005 kr, þannig gengur alveg að taka fyrir 4321 kr (því maður fær svo lítið bensín fyrir 1234 kr (nema maður eigi Fiat Uno, þá væri tankurinn nefnilega fullur).  Takið þið bensín fyrir hvaða tölu sem er?

kv.Gunni